ಲೇಕಕ್ : ವಿಜಯ್ ಡಿಕುನ್ಹಾ

ಚರಿತ್ರಾ ಮನ್ಶ್ಯಾಚಿ ಪಾಟ್ ಸೊಡಿನಾ! ಚರಿತ್ರಾ ಮ್ಹಳ್ಯಾರ್ ಕೆದಾಳಾಗೀ ಜಾವ್ನ್ ಗೆಲ್ಲೆಂ, ತಾರೀ ಸದಾಂಸ್ ಉಗ್ಡಾಸಾಕ್ ಹಾಡ್ಚೆಂ ವಿಷಯ್ ಜಾವ್ನಾಸಾ. ಪುಣ್, ಕಾಲ್ ನಾಸ್ತಾನಾ ಆಜ್ ನಾ, ಆಜ್ ನಾಸ್ತಾನಾಂ ಫಾಲ್ಯಾಂಚೊ ದೀಸ್ ನಾ. ಹೆಂ ಸಂಸಾರಾಚೆಂ ನಿಯಮ್.  ಪುಣ್ ಪಾಶಾರ್ ಜಾಲ್ಲ್ಯಾ ಕಾಳಾ ಥಾವ್ನ್ ಜೆಂ ಕಿತೆಂ ಪುಣೀ ಆಮ್ಚ್ಯಾ ಹಾತಾಕ್ ಮೆಳ್ಳಾಂ ತರ್ ತೆಂ ಸಾಂಬಾಳ್ನ್ ದವರ್ಲ್ಯಾರ್ ಬೋವ್ ವೊರ್ತೆo ಮ್ಹಣ್ಯೇತ್. ವ್ಹಯ್, 1991 ವರಸ್ ಅಕ್ಟೋಬರಚಿ 17 ತಾರಿಕ್, ಮಂಗಳೂರ್ ಕ್ಯಾಥೊಲಿಕ್ ಸೆಂಟರ್ ಆಫ್ ದಿ ಪ್ಯಾರಿಷ್  (ಎಂ ಸಿ ಸಿ ಪಿ) ಚ್ಯಾ ಚರಿತ್ರೆಂತ್ ಭಾಂಗ್ರಾಳ್ಯಾ ಅಕ್ಷರಾಂನಿ ಬರೊಂವ್ಕ್ ಜಾಯ್ ಜಾಲ್ಲೊ ದಿವಸ್, ಮ್ಹಣ್ಚೆ ಎಂ ಸಿ ಸಿ ಪಿ ಚೆಂ  ಸ್ಥಾಪನ್ ಆನಿ ಪ್ರಥಮ್ ವಾರ್ಷಿಕ್ ದಿವಸ್ ಆಚರ್ಸಿಲೋ.  ಆಜ್ ಹೆಂ ಸಂಘಟನ್ ಅಮಾ ಸಮೇಸ್ತಾಂಚಾ ಸಹಕರನ್ ಆನಿ ಕುಮ್ಕೆನ್ ಅಟ್ಟಾವಿಸ್ ವರ್ಸಾಂಚ್ಯಾ ಉಂಬ್ರಾರ್ ಉಬಿo ರಾವ್ಲ್o.

ಮಸ್ಕತಾಂತ್ ವಸ್ತಿ ಕರ್ಚ್ಯಾ ಕೆನರಾ ಕ್ರಿಸ್ತಾಂವ್ ವಾ ಮಂಗ್ಳುರಿ ಕೊಂಕ್ಣಿ ಕಥೊಲಿಕ್ ಸಮುದಾಯ ಮಧ್ಲೊ ಸಂಬಂಧ್ ಘಟ್ ಜಾಂವ್ಕ್, ತಶೆಂತ್ ತಾಲೆಂತಾಕ್ ಆನಿ ಸಾಂಸ್ಕ್ರತಿಕ್ ಕಾರ್ಯಕ್ರಮಾಂಕ್ ಉತ್ತೇಜನ್ ದಿಂವ್ಣ್ಚ್ಯಾದಿಶೆಂತ್, 1991 ಇಸ್ವೆನ್ತೆ, ವಾಲ್ಟೇರ್ ಮೊಂತೆರೋ, ಮಿಕ್ ಮ್ಯಾಕ್ಸ್, ರಾಬರ್ಟ್ ಕುಟಿನೊ, ಆನಿ ಜೆರಿ ಡಿಮೆಲ್ಲೋ ಮುಳ್ಳೇ ಸಮುದಾಯೆಚೆ ಮುಖೆಲಿ, ಸಂಘಟನಾಚ್ಯಾ ಸ್ಥಾಪನಾ ವಿಶಿಂ ಚಿಂತಾಪ್ ಗಾಲಿ ಲಾಗ್ಲೆ. ತವಳ್ ರುವಿ ಫಿರ್ಗಜೆಚೊ ವಿಗಾರ್ ಜಾವ್ನಾಸಾಲ್ಲ್ಯಾ ಮಾನಾಧಿಕ್ ಬಾಪ್ ಅಗಸ್ಟೀನ್ ಅಂತಯೋ ಎಸ್ಸ್.ಜೆ. ಹಾಕಾ ಪೂರಕ್ ಜಾವ್ನ್ ಮ್ಹಳ್ಳೆ ಬರಿಂ ತಾಂಣಿ ತಾಂಚೊ ಸಹಕಾರ್ ದಿಲೊ. ತಾಂಚಾಂ ಸೆವಾ ಆವ್ದೆಂತ್ ಎಂ ಸಿ ಸಿ ಪಿ  ಯಶಸ್ವಿ ರಿತಿನ್ ಚಲೊಂಕ್ ಸಾಧ್ಯ್ ಜಾಲೆಂ.

ಆಜ್ ಮಂಗ್ಳುರ್ ಕಥೊಲಿಕ್ ಕೇಂದ್ರ್ ಎಕಾ ಬಲ್ಲ್ವಂತ್ ಸಂಘಟನಾ ರೂಪಾರ್ ಆಮ್ಚ್ಯಾ ಮಾoಯ್ ಭಾಸೆಚೊ ಪೋಸ್ನರ್ ಆನಿ ಕೊಂಕಣ್ ದಾಯ್ಜೆಚೊ ರಾಕ್ವಲೀ ಜಾವ್ನ್ ಸೇವಾ ದಿoವ್ನ್ಕ್ ಸಕ್ಲಾ ತರ್ ಹಾಕಾ ಮಸ್ಕತ್ತಾoತ್ ವಸ್ತಿ ಕರ್ಚ್ಯಾ ಸರ್ವ್ ಮಂಗ್ಳುರಿ ಮುಳಾಚಾ ಸರ್ವಾoಚೊ ಸಹಕಾರ್ ಆನಿ ನಿರಂತರ್ ಆದಾರ್ ಸಾಕ್ಸ್ ಜಾವ್ನಾಸಾ.  ಆಜ್ ಸಬಾರ್ ಜಣಾಂಚ್ಯಾ ಮಿನತೆಕ್ ಲಾಗುನ್, ಆನಿ ಜಾಯ್ತೆ ನವೆ ಸಾಂದೆ ಜಾಲ್ಯಾತ್ ದೆಕುನ್, ಹೆಂ ಕೊಂಕ್ಣಿ ಉಲೊವ್ಪಿ  ಸಂಘಟನ್ ಬರಾನ್ ಸೊಲೊವ್ನ್ ವೊಚೊವ್ನ್ ಆಸಾ.

2010 ಇಸ್ವೆನ್ತೆ, ಮಂಗ್ಳುರ್ಚ್ಯಾ ನೇಹರು ಮೈದಾನoತ್ ಜಾಲ್ಯಾ ವಿಶ್ವ ಕೊಂಕಣಿ ಎಕ್ತಾ ದಿವಸ್, ಹಾಂತು, ಎಂ ಸಿ ಸಿ ಪಿ ಕ್ಕ್ ತವಳ್ಚೆಂ ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ತಾಂಣಿ ಮಾನ್ ಕೆಲ್ಲೊ ದೀಸ್ ಆಮ್ಕಾಂ ಮಸ್ಕತ್ ಗರಾಂಕ್ ಎಕ್ ವಡ್ ಗೌರವ್ ಆನಿ ಅಭಿಮಾನ್ ಜಾವ್ನಸಾ.

ಅಸಲ್ಯಾ ಮಹಾನ್ ಸಂಸ್ಥಾಚೊ ರೂಪಯೋತ್ಸವ 2016 ಇಸ್ವೆನ್ತೆ ವೋಡ್ಲ್ಯಾಸಂಬ್ರಾಮಾಂತ್ ಆಚರ್ಸಿಲೋ. ತವಳ್ಚೊ ಮಂಗ್ಳುರ್ ದಿಯೆಸೆಜಿಚೊ ಭಿಸ್ಪ್ ಬೋವ್ ಮಾನಾದಿಕ್ ಗೊವ್ಳಿ ಬಾಪ್ ಎಲೋಸಿಸ್ ಪೌಲ್ ಡಿಸೋಜಾ ಆನಿ ಮಂಗ್ಳುರ್ಚೆ  ಸಬಾರ್ ರಾಜಕೀಯ ಆನಿ ಸಾಮಾಜಿಕ್ ಮುಕೆಲಿ ಘನಾನ್ ಆನಿ ಮನಾನ್  ಹ್ಯಾ ಕಾರ್ಯಕ್ರಮಾಂತ್ ಬಾಗ್ ಗೆತ್ತೆಲ್ಲೆ.

ಪ್ರಸ್ತುತ್ ರುವಿ ಫಿರ್ಗಜೆಚೊ ಮಾನಾಧಿಕ್ ಬಾಪ್ ಸಂಘಟನಚ ಗರ್ಜಾಂಕ್ ಸ್ಪಂದನ್ ಕರ್ನ್ ಆಮ್ಚಾ ಅತ್ಮಿಕ್ ತಶೆಂ ಲೌಕಿಕ್ ಸಂಗ್ತಿಂಕ್ ಕುಮೊಕ್ ಕರ್ನ್ ಆಸಾತ್. ಕಾರ್ಯಾಳ್ ಸಮಿತಿಚೆ ಸಾoದೇ ಭೊವ್ ಬರ‍್ಯಾನ್ ವಾವ್ರ್ ದೀವ್ನ್ ಆಸಾತ್. ಅಸಲೊ ಲೊಕಾಮೊಗಾಳ್ ಸಂಘಟನ್ ವೆಗಿಂತ 35 ವರ್ಸಾಂಚಾ ಸಂಭ್ರಮಿಕ್ ಆಚರೆಣೆಕ್ ಮುಕಾರ್ ಪೊಲೊವ್ನ್ ಆಸಾ.